“Navbahor“ jamoasi mehmonda «Buxoro» klubiga qarshi maydonga tushadi. “Navbahor” ushbu raqib bilan oliy ligada shu kunga qadar 48 bor maydonda kuch sinashgan. G'alaba qozonish borasidagi ustunlik futbolchilarimiz tarafida. “Navbahor” 25 uchrashuvda raqibni mag'lubiyatga uchratgan. O'z navbatida buxoroliklar 16 bor g'alabani tantana qilishgan. Etti o'yinda esa kuchlar teng kelgan. To'plar nisbatidagi ko'rsatkich 90:57, “Navbahor” foydasiga. O'zaro o'yinlardagi eng yirik hisob 2001 yili kuzatilgan. Namanganda o'tgan uchrashuvda "lochinlar" 6:1 hisobida g'alaba qozonishgan. Buxoroliklar esa jamoamiz ustidan faqatgina bir marotba (2009 yil) o'z maydonida darvozamizga javobsiz uchta to'p kiritgan. "Navbahorchilar" 2011 yildan buyon "Buxoro" maydonida kamida bittadan gol urib kelishadi. So'nggi bor vakillarimiz 2005 yilda safarda ushbu raqibga uch marotaba gol urgan. “Navbahor” o'tgan mavsumda “Buxoro” maydonidan ochkosiz qaytgan. Aziz Ibragimovning dubli va Sardor Raxmonovning goliga jamoamizdan Igor Golban va Akram Bahritdinov javob qaytarishgandi. Eslatib o'tamiz, "Buxoro" - "Navbahor" qarama-qarshiligini andijonlik hakam Temur To'xtasinov boshqarib boradi. Buxoroda o'tgan so'nggi besh uchrashuv:
«Buxoro» - «Navbahor» 3:2 (2016)
«Buxoro» - «Navbahor» 0:1 (2015)
«Buxoro» - «Navbahor» 0:2 (2014)
«Buxoro» - «Navbahor» 1:1 (2013)
«Buxoro» - «Navbahor» 2:1 (2012)
— deya xabar beradi uff.uz nashri.