Antuan Grizman “Manchester Yunayted”ga o'tishga tayyorlanmoqda, Diego Simeoneni “Inter”ga chaqirishmoqda. Hatto bu yo'qotishlar bilan ham “Atletiko” o'z o'rnini boy berishi kerak emas. Bugungi sahifamizda Madrid klubining joniga ora kirayotgan Fernando Torres haqida suhbatlashamiz. “Bilasizmi, men nima uchun “Liverpul”dan ketganman? Men g'alaba qozonishni xohlagandim, meni esa sotqinga chiqarishdi. Jamoa bir necha yillik reja tuzib qo'ygandi. Men esa bu rejada yo'q edim”, – bu Torresning 2016-yilning yozida aytib o'tgan fikrlari. Uning “Chelsi” safidagi o'yini omadsiz kechdi. Chempionlar ligasi, Evropa ligasi va Angliya kubogini qo'lga kiritgan bo'lsa-da, eng omadsiz o'yinchilardan biriga aylangandi. Ayniqsa, uning transfer narxini hamisha tanqid ostiga olishardi. Shunda Torres yana o'z jamoasiga qaytishga va hammasini boshqatdan boshlashga majbur bo'ldi. Torresning “Atletiko”ga qaytganiga 3 yil to'lyapti. Birinchi mavsumda sport formasini yo'qotganligi sababli umuman o'ynay olmadi. 2-mavsum birinchiga qaraganda ancha yaxshi edi, biroq, baribir, u Grizmanning soyasida qolib ketdi. Vaholanki, bir paytlar Torresni jamoa afsonasi deya atashgandi ham. “Men klub afsonasimanmi? Bo'lishi mumkin. Har bir futbolchi o'zi sevgan klub sharafini himoya qilishga hamisha tayyor. Qanaqa rol o'ynashidan qat'iy nazar”, – deya ta'kidlagandi Torres. Atletiko” oldingi 2 mavsumdagi o'yinini ko'rsata olmayapti. Jamoa allaqachon chempionlik shohsupasidan chiqib ketgan. Chempionlar ligasida ham yarim finaldan ortga qaytdi. Antuan Grizmanning bir oyog'i “Manchester Yunayted”da, Diego Simeone boshqa klubni qabul qilib olishini ochiq-oydin aytmoqda.    DAVOMI
— deya xabar beradi uff.uz nashri.