May oyi o'zining qizqin pallasiga kirib ulgurdi. Hademay, Evropaning kuchli chempionatlarida bu yilgi mavsum nihoyasiga etdi. G'olib jamoalarning nomi sekin-asta ma'lum bo'ladi. Undan so'ng esa, barchaning e'tibori Evropa Ligasi va Evropa Chempionlar ligasi musobaqalarining final o'yinlariga qaratiladi.
Bugun o'zbekistonlik ishqibozlar uchun qiziqarli ma'lumotni aytib o'tmoqchimiz. Shu yilning 24 may kuni Shvetsiya davlatining Stokgolm shahridagi "Frends Arena" stadionida bo'ladigan Evropa Ligasi finalida ishlash huquqini UFF.uz sayti qo'lga kiritdi.
Ha, saytimiz xodimi San'at Sharipov O'zbekistonning barcha Ommaviy axborot vositalari orasida yagona vakil sifatida ushbu katta futbol forumini vatanimiz futbol muxlislari uchun yoritadi. Unga UEFA tomonidan eksklyuziv akkreditatsiya taqdim etildi.
Shu o'rinda aytib o'tmoqchi edik, shu paytgacha UEFA tasarrufi ostidagi yirik musobaqalarda aynan UFF.uz sayti ishlab kelgan. Mana, saytimiz bu safar ham o'z an'anasiga sodiq qoladi va uni davom ettiradi.
Nasib qilsa, o'zbekistonlik muxlislar "Ayaks" - "Manchester Yunayted" o'yini atrofidagi barcha tezkor va eksklyuziv xabarlarni hech kimdan kam bo'lmagan holda bilib borishadi. UFF.uz saytidan yiroqlashmang, tez kunlarda o'zbek futbolida juda katta yangiliklar bo'lishi kutilmoqda.
— deya xabar beradi uff.uz nashri.