"Buxoro" - "Navbahor" uchrashuvi bosh hakami andijonlik Temur To'xtasinov 11- turda hamkasblari orasida eng past baxo oldi (7,2 ball). Bu haqida "Navbahor" klubining tvitterdagi rasmiy sahifasida xabar qoldirilgan.
To'xtasinov - Oliy liga joriy mavsumida ikki marotaba 8 balldan kam baxo olgan birinchi hakam bo'lgan. To'xtasinovning ishi 2- marotaba 8 balldan past baxolandi. U 5- turda "Navbahor" - "Mash'al", 1:0 o'yinini ham boshqargan va  8 baxodan kamiga loyiq ko'rilgan edi.
O'rtacha baxo olish borasida To'xtasinov (7,94) joriy mavsum Oliy ligada ishlab kelayotgan 15 hakam orasida eng so'nggi o'rinda bormoqda. Shuningdek Temur To'xtasinov amaldagi mavsumda bir o'yinda ("Buxoro" - "Navbahor", 11- tur) uchta penalti belgilagan dastlabki hakam bo'lib turibdi.
Eslatib o'tamiz, uch penaltining barchasi "Buxoro" - "Navbahor" o'yinida mehmonlar darvozasiga belgilangan. Ulardan ikkitasini Ivan Nagaev aniq amalga oshirgan bo'lsa, biridan Shog'ulomov foydalana olmadi.
— deya xabar beradi uff.uz nashri.