XX asrning eng yaxshi klubi «Real Madrid» haqida siz bilgan va bilmagan qiziqarli faktlarni e'tiboringizga havola etamiz. Quyida Qirollik klubiga doir 23 ta qiziqarli ma'lumotlar keltirilgan: «Real» klubining birinchi ofisi «Al Capricho» nomli do'kon yonida joylashgan. Klubning birinchi nomi «FC Sky» bo'lgan. Bu nom 1895-1900 yillar mobaynida qo'llanilgan. Oxir-oqibat jamoa prezidenti Julian Palasios ushbu nomdan voz kechgan va 1902 yilning 6 martida klubni «Real Madrid» deya atagan. Visente Del Boske o'z faoliyatining 30 yilini «Real»da o'tkazgan. U o'yinchi sifatida 9, murabbiy sifatida esa 7 ta sovringa ega bo'lgan. 1979/80 yilgi mavsumda «Real»ning zaxira zamoasi RM Kastilya Ispaniya kubogining finaligacha etib kelgan va bosh sovir uchun «Real» bilan kuch sinashgan. Ushbu o'yinda «Real» 6:1 hisobida g'alabaga erishgan. «Real Madrid» klubining ilk o'yini o'zaro jamoa a'zolari o'rtasida tashkillashtirilgan. Bir tomon ko'k, ikkinchi tomon esa qizil libosda maydonga tushganlar. Ammo oxir-oqibat jamoa libosining asosiy rangi sifatida oq rang tanlanadi. Serxio Ramos «Real» bilan transfer mavsumi tugashiga bir soat qolganida kelishuvga erishgan. Tasavvur qilib ko'ring, ushbu transfer o'z vaqti amalga oshmay qolishi mumkin edi. Krishtiano Ronalduning ota-onasi AQSh prezidenti Ronald Reyganni xurmat qilganlar va o'z o'g'illariga uning ismini berishgan. «Real Madrid» - La-Liganing ketma-ket beshta mavsumida g'olib bo'lgan yagona jamoa. Buning ustiga ular bu ishni ikki bor amalga oshirganlar (1960-1965 va 1985-1990 yillar ichida). Krishtiano bir mavsum davomida Ispaniya chempionatining har bir klubiga gol kiritgan ilk futbolchiga aylangan. «Real»ning birinchi goliga Artur Jons 1902 yilning 13 mayida mualliflik qilgan. «Real» ushbu bahsda «Barselona»ga imkoniyatni boy bergan (1:3). «Real» klubining ilk prezidentlaridan hisoblangan aka-uka Jon va Karles Rubiolar (1904-1908) kataloniyalik bo'lishgan. «Qaymoqranglilar»ning eng tezkor goli 1994 yilning 3 sentyabirida kiritilgan. O'shanda «Sevilya»ga qarshi kechgan bahsda Ivan Samorano o'yinning 12-soniyasida gol kiritgan. Garvard universiteti olimlarining ma'lumotiga ko'ra, «Real»ning dunyo bo'yicha 228 mlndan ortiq muxlisi bor. Migel Munos – «Real» boshqaruvida eng ko'p bo'lgan murabbiy. U madridliklar klubini 15 yil (1959-1974 yillar) mobaynida boshqargan va bu vaqt ichida 604 o'yin o'tkazib, 14 sovringa ega bo'lgan. «Real» Ispaniya kubogini 18 bor yutib olgan, biroq qizig'i shundaki, madridliklar 18-sovrinni qo'lga kiritishni 18 yil kutganlar (1993 yildan 2011 yilgacha). «Real»ning eng yirik hisobdagi g'alabasi (11:1) «Barselona»ga qarshi o'yinda qo'lga kiritilgan (1943 yil Ispaniya Kubogi). O'z o'rnida eng yirik mag'lubiyat (1:8) «Espanol» bilan bo'lgan o'yinda qayd etilgan (1929/30 yilgi mavsumda). «Real» «Qirollik klubi» maqomini 1920 yilda olgan. O'shanda Ispaniya qiroli Alfonso XIII jamoani tantanali ravishda shunday nom bilan atagan edi. «Madrid» UEFA tashkil etgan musoboqalarning 56 tasining 54 tasida qatnashgan. Faqat 1977-78 va 1996/97 yilgi mavsumlarda jamoa saralashdan o'ta olmagan. «Real» – biror martta ham Oliy dvizionni tark etmagan uch jamoaning biri. Qolgan ikkitasi «Barselona» va «Atletik Bilbao» hisoblanadi. «Real» o'z tarixida biror martta ham «Trebl» (bir mavsumda uchta sovrin) qayd etmagan. «Santyago Bernabeu» 1955 yilga qadar «Chamartin» deya atalgan. Bundan tashqari, stadion hozirgi nomini olguniga qadar El Velodromo de Ciudad Lineal, O'Donnell, Desmontes de Moncloa, La Estrada, Explanada de la Plaza de Toros va Hipodromo kabi nomlar bilan atalgan. O'zining engilmasligi bilan nom qozongan Joze Mourino: jamoalari bilan uy o'yinlarida 9 yilu 2 oy mag'lubiyat nimaligini bilmagan. Biroq, ushbu seriyaga «Santyago Bernabeu»da madridliklarni 0:1 hisobida engan «Sporting» Xixong nuqta qo'ygan. 2011 yilda Ispaniya Kubogini qo'lga kiritganlarini nishonlash vaqtida, Serxio Ramos Kubokni avtobus tomidan tushirib yuborgan edi.
— deya xabar beradi uff.uz nashri.