«Manchester Yunayted» hujumchisi Zlatan Ibrahimovich jamoa futbolchilarini taqdirlash marosimini o'tkazib yubordi.
Xabar qilinishicha hujumchi marosim vaqtida Stokgolmda bo'lgan. Biroz vaqt muqaddam esa AQShdan tizzasini operatsiya qildirib qaytgan edi. Eslatib o'tamiz, Ibrahimovich Evropa ligasi chorak finalida «Anderlext»ga qarshi kechgan o'yinda tizzasidan jarohat olib, mavsum oxiriga qadar safdan chiqqan edi.
«Manchester Yunayted»ning joriy mavsumdagi eng yaxshi futbolchisi sifatida Ander Errera tan olingan. Yil futbolchisi sifatida esa Antonio Valensiya tan olindi.
Eng yaxshi gol nominatsiyasida Genrix Mxitaryan Angliya chempionati 18-turida «Sanderlend»ga kiritgan gol g'olib chiqqan.
— deya xabar beradi uff.uz nashri.