«Bavariya» yarim himoyachisi Frank Riberi faoliyatini Turkiya chempionatida davom ettirishi mumkin. Bu haqida Milliyet nashri xabar tarqatgan.
Xabarda aytilishicha, frantsiyalik futbolchi «Trabzanspor» klubi bilan kelishuvga erishgan. Unga ko'ra yiliga 3 million evro maosh oladi.
«Bavariya» rahbariyati avvaliga yarim himoyachi uchun 8.5 million evro talab qilgan edi. Keyinchalik bu talab 5 million evroga tushdi. Ammo hozircha tomonlar kelishuvga erishmagan.
Eslatib o'tamiz, myunxenliklar joriy mavsum 34 yoshli futbolchi bilan yangi shartnoma imzolagan va unga ko'ra Riberi 2018 yilning yoziga qadar klubda qolishi lozim edi.
— deya xabar beradi uff.uz nashri.