Bekxem – yangi MLS asoschisi desak bo'ladi. Angliyalik yulduz Amerika futboliga boshqatdan mehr uyg'otdi. Sahifamiz orqali uning qanday qilib Amerika futbolini o'zgartirganligi haqida gapirib o'tamiz.                   “Nima qilishni o'zi o'ylasin”    AQShga Bekxem janjallar, katta obro'-e'tibor va ozgina xafa va xursandchilik bilan keldi. 2007-yilda u 32 yoshda edi. 5 yil davomida Guti, Kasilyas, Raul, Zidan, Roberto Karlos, Figo va Ronaldo kabi yulduzlar bilan to'p surdi. Uning jamoasida jahon yulduzlari terilgan bo'lsa-da, 5 yil davomida 2 marotaba milliy chempionatda g'alaba qozonishdi. Ikkinchi chempionlik Zidan, Ronaldo va Figosiz bo'ldi. O'sha mavsum Bekxem uchun juda yomon boshlandi, terma jamoada sardorlik bog'ichini yo'qotdi, “Real”ning yangi bosh murabbiyi Fabio Kapello bilan urushib qolib, zahira o'rindig'iga mixlandi.    Shartnoma tugayotgandi, yangisini esa hech kim taklif qilmasdi. Eng alamlisi, “qirollik klubi” sport direktori Predrag Miyatovich mavsum yakunlanganiga yarim yil qolganda, futbolchi bilan maslahatlashmasdan, Bekxem “Real”ni mavsum oxirida tark etishini ma'lum qiladi. Devid bu gapdan xafa bo'lib, bir hafta o'tar-o'tmas MLS klubining biri bilan 5 yillik shartnoma imzolaganligini e'lon qiladi. “Real” Bekxemdan ham ko'proq xafa bo'ladi va Fabio Kapello angliyalik yarim himoyachini ikkinchi tarkib jamoasiga jo'natadi: “Mavsum oxirigacha nima qilishni o'zi o'ylasin. U endi boshqa klub futbolchisi”. “Real” jamoasining ishlari esa orqaga keta boshladi. Klub ochko yo'qotardi, raqiblar esa o'zib ketishdi. Klub etakchilari — Raul va Kasilyas bu janjaldan norozi edi. Bekxemni jamoaga qaytarishdi.    Devid maydonda ko'p tushmagan bo'lsa-da, birinchi o'yindayoq gol uradi. Birinchi o'yinidan oxirgi turgacha jamoani oldinga etaklaydi. Yakuniy turga kelib “Real” “Barsa” bilan ochkolarini tenglashtirib oladi va gollar farqi evaziga chempion bo'ladi.    “Real” iltimos qildi, maoshini oshirishini va transferini qaytadan sotib olishini aytib o'tdi. Faqat Bekxem qolsa bo'ldi edi. Devidning o'zi ham qolishni istardi, biroq prinsiplari sabab Los-Anjelesga uchdi.                   Kumir va Yahudo. Bekxem – futbolchi    Bekxem MLSda hech ham zo'r o'yin ko'rsatmadi, jarima to'plari tepmadi, 5 yil ketma-ket chempion qilmadi. Allaqachon bu yoshdan o'tgandi va kam o'ynardi (5 yil davomida 100 tadan ortiqroq o'yin o'tkazdi).    Ammo u MLS standartlarini o'zgartira boshladi. Pirlo va Kaka kabi yulduzlar sotib olindi, futbolchilardagi maosh cheklovi olib tashlandi. 2007-yildan beri maosh berish bo'yicha hech qanday cheklov yo'q. MLS 70-yillarda Pele va Bekenbauer to'p surgan paytlar kabi yana o'sa boshladi. “Geleksi” jamoasi o'yinlarida Jastin Timberleyk, Kemeron Dias, Keti Perri kabi Gollivud yulduzlari paydo bo'ldi. Ularning orqasidan oddiy muxlislar ham kela boshlashdi.    Bekxem bir joyda o'tira olmadi, terma jamoaga qaytishni o'yladi. Buning uchun ikki marotaba — 2009 va 2010-yillarda Italiyaning “Milan” jamoasiga ijara asosida o'tdi. Italiya sabab MLSda yarim mavsumni o'tkazib yubordi. Qaytganda ham kuchini ayadi. Bu esa muxlislarga yoqmasdi.    Muxlislar etakchisi Mett Simanski bu borada shunday fikr bildirib o'tdi: “U bizni sotdi.  Davomi
— deya xabar beradi uff.uz nashri.