Madridning "Real" klubi "Flamengo" klubi hujumkor yarim himoyachisi Vinisius Juniorni sotib olish borasida kelishuvga erishdi.
Madridliklar yarim himoyachi uchun 45 million evro to'laydi. Bu haqida mavsum yakuniga etgach rasman ma'lumot berilishi kutilmoqda. Ushbu mablag'ning 30 millioni darhol to'lanadi va qolgan 15 million evro Junior Ispaniyaga kelgunga qadar to'lab berilishi lozim.
Vinisius kamida 2018 yilning yoziga qadar Braziliyada qoladi, chunki ispan qonunchiligiga ko'ra 18 yoshga to'lmagan futbolchilar bilan shartnoma imzolash mumkin emas. 2018 yilning yozida Vinisiusning holatidan kelib chiqib uni "Real"ga olib ketish yoki ijarada qolishi masalasi hal qilinadi.
Junior joriy mavsum Braziliya chempionatida 2 ta o'yinda maydonga tushgan.
— deya xabar beradi uff.uz nashri.