“Men hech qachon Filippning yomon o'ynaganini ko'rmaganman. U shak-shubhasiz mutlaq afsona va men ko'rgan futbolchilar orasida eng aqllilaridan biri", – degandi bir paytlar “Bavariya”ni boshqargan Xosep Gvardiola. "Filipp futbol o'ynash borasida barchaga o'rnak bo'la oladi. U aqllli harakat qiladi, uzoq yillik tajribaga ega, xalqaro maydonlarda doim nimalarga qodir ekanligini isbotlab kelgan. Eng muhimi, u katta yurakka, qat'iyatga va ajoyib xarakterga ega futbolchi. U Germaniya terma jamoasining ramzi, u avtoritet, u lider" — bu esa Germaniya terma jamoasi ustozi Yoaxim Lyovning fikrlari. Ha, yuqoridagi fikrlarda jon bor. Kecha faoliyatini yakunlagan Filipp Lam dunyo futbolining tirik afsonasiga aylanib ulgurdi. Bir paytlar Daniel Lam o'g'li haqida shunday degandi: “U futbol o'ynaydi va futbol bilan yashaydi”. Xo'sh, futbolchining o'zi haqidagi haqiqatlari qanday? Bu haqda futbolchining fikrlari quyidagicha: “Bolaligimda basketbol bilan jiddiy shug'ullanganman — savatchaga to'p tushirish borasida ustasi farangga aylangandim biroq oradan ancha vaqt o'tdi va men ayni damda futbol o'ynayapman”. “Asosiysi — sening kuching. Men buyuk emasman, buyuk bo'lishga majbur bo'lgan va shunga harakat qilgan futbolchiman. Men yuqori darajadagi o'yinchi emasman, menga shunchaki kuchli futbolchi sifatida qarang”. “Men Paolo Maldiniga taqlid qilaman. Uning faoliyati shunchaki aql bovar qilmas. Shuningdek, men Biksant Lizarazyudan ham ko'p narsa o'rganganman”. “O'ng qanot himoyasida o'ynashni yoqtirishimni juda ko'p aytganman. Biroq markaziy himoyada ham hech qanday e'tirozsiz o'ynab ketaverganman. Jamoam uchun qaysi chiziqda o'ynashim foydali bo'lsa, o'sha chiziqda harakat qilganman. Chunki men taktikaning emas, “Bavariya”ning futbolchisiman”. “Agar futbolchi universal bo'lsa, demak unda yuksak idrok va aql bor. Qanot himoyachisiga universal bo'lishi uchun juda ko'plab talablar qo'yiladi. Men bu talablarni bajarganman”. “Boshqa chempionatda harakat qilishdan aslo qo'rqmaganman. Shunchaki “Bavariya”dan kuchliroq jamoadan taklif bo'lmagan. Eng asosiysi, men tub myunxenlikman va ona yurtimdan uzoqqa ketishni istamayman”. “Agar “Google”dan men haqimda ma'lumot qidirsangiz, “Filipp Lam — gey” degan ma'lumot chiqadi. Ammo Davomi
— deya xabar beradi uff.uz nashri.