Ispaniya chempionatining so'nggi 38-turidan o'rin olgan “Malaga” – “Real” uchrashuvi yakuniga etdi. Unda mehmonlar 0:1 hisobda g'alabaga erishishdi. Chempionlik taqdirini hal qiladigan uchrashuvning ilk daqiqalarida “Real” yarim himoyachisi Isko 2 daqiqada Ronalduga zargarona uslubda to'pni etkazib berdi. Kameni bilan birga-bir vaziyatga chiqib borgan Krishtianu “Malaga”ning so'nggi himoyachisidan qochib ketib, uchrashuvda hisobni ochdi. Goldan so'ng oldinga o'tib olgan “qirollik klubi”da gol urish uchun talaygina imkoniyatlar bo'ldi. Yana Ronaldu hamda Kameni o'rtasida duel yuzaga keldi, ammo bu safar “Malaga  darvozaboni xavfni bartaraf etib, jamoasini muqarrar goldan saqlab qoldi. “Real” darvozasiga gol urib, “Barselona”ga chempionlikni taqdim etishni va'da bergan “Malaga” hujumchisi Sandro Ramires birinchi bo'limda Keylor Navas qo'riqlayotgan darvozaga uch marta xavf soldi. Birinchi zarbada Navas to'pga bor kuchi bilan tashlandi va natijada darvoza to'siniga urilib kichik jarohat oldi. Ramiresning qolgan ikki zarbasi ham kutilganidanda ham xavfli ko'rinish oldi. Jamoalar tanaffusga 0:1 hisobida yo'l olishdi. Ikkinchi bo'limni faol boshlagan “Real” vakillari 54-daqiqaga kelib, Toni Krossning o'ng qanot burchagdan ko'targan to'pini golga aylantirishdi. Ramosning zarbasidan keyin qaytgan to'pni Benzema “Malaga” darvozasiga joylab qo'ydi.  “Malaga”dan “Real”ga o'tgan Iskoni zaxiraga olinayotgan vaqtda mezbonlar muxlislari iliq kuzatib qo'yishdi. Ehtiroslarga boy bo'lgan o'yinda Xames Rodriges maydonda Iskoning o'rnini egalladi. Balki bugungi o'yin Rodriges uchun “Real” libosidagi so'nggi uchrashuv bo'lishi mumkinligi ehtimoli yuqori. O'yining qolgan qismida “Real” o'yinni to'liq o'z nazorati ostida o'tkazdi va safarda “Malaga”ni mag'lub etib, Ispaniya chempioniga aylandi. Ispaniya chempionati, 38-tur. “Malaga” – “Real” 0:2 (0:1) Gollar: 0:1 – 2 Ronaldu, 0:2 – 55 Benzema. “Malaga”: Kameni, Vilyanueva, Rikka, Torres, Ernandes, Resio, Kamacho, Fornals, Keko (Chori Kastro, 60), Xoni Rodriges (Duda, 72), Sandro Ramires (Sharles, 69). “Real Madrid”: Navas, Varan, Marselo, Danilo, Ramos, Isko (Xames, 66), Kazemiro (Kovachich, 66), Kroos, Modrich, Ronaldu, Benzema (Morata, 73). Ogohlantirishlar: Kameni (56), Xoni Rodriges (57). Akmalxon Eshonxonov
— deya xabar beradi uff.uz nashri.