"Paxtakor" va "Nasaf" o'rtasida 22 may kuni bo'lib o'tadigan O'zbekiston Kubogi uchrashuvida muxlislar qator sovg'alar yutib olish imkoniyatiga ega bo'lishadi.
Klubimiz ishqibozlar uchun mo'ljallangan ajoyib aktsiyasini davom ettiradi. O'zbekiston Kubogining nimchorak final birinchi o'yinida jamoamiz "Nasaf"ni qabul qiladi. Bellashuv "Paxtakor" stadionida 19:00da boshlanadi. Mazkur uchrashuvda "Paxtakor" stadioniga tashrif buyuradigan muxlislarni ajoyib sovg'alar kutmoqda. Mavsumiy abonement va chipta sotib olgan har bir ishqiboz "Omadli muxlis" sovrinli aktsiyasida ishtirok etib, esdalik sovg'alari sifatida 4ta "IPhone 7 32 Gb" va asosiy sovg'a sifatida "Damas" avtomobilini yutib olish imkoniyatiga ega bo'ladi.
Chiptalar 10 va 20 ming so'mdan stadion kassalarida sotilmoqda.
Uchrashuvga tashrif buyuring va "Paxtakor"ni qo'llab-quvvatlang!
— deya xabar beradi uff.uz nashri.