"Manchester Siti" hujumchisi Gabriel Jezus Angliya chempionatida o'tkazgan ilk mavsumi haqida fikr bildirdi.
"Angliyada qiyinroq bo'ladi, deb o'ylagandim. Yo'q, oson bo'lmadi, albatta. Hayotim to'liq o'zgardi, ammo men hech qachon nolimaganman. Bu erga kelganim va Evropada o'ynaganim uchun xursandman.
"Palmeyras"dan ketganimda juda xafa bo'lgan edim, ammo sovrin yutib olganimizdan mamnunman. "Manchester Siti"da hamma menga yordam berdi, braziliyalik jamoadoshlarim va boshqalar ham. Klub menga, oilamga va bu erga ko'chib kelgan do'stlarimga katta yordam berdi.
Braziliyada qolgan onam, aka ukalarim va qarindoshlarimni biroz sog'inganman. Ammo ular baxtli bo'lsa, men ham baxtliman. Bu hafta ular bilan uchrashamiz va sog'inch yakuniga etadi", - deydi Jezus.
— deya xabar beradi uff.uz nashri.