Kievning "Arsenal" klubi Ukraina Birinchi ligasi doirasida "Desna"ga qarshi kechgan o'yinda (1:5) ishtirok etgan olti futbolchini jamoadan chetlatdi. Futbolchilar kelishilgan o'yinda ayblanmoqda.
"Vaziyat oydinlashgunga qadar olti futbolchi mashg'ulotdan chetlatildi. Darvozabon, himoyachilar va tayanch yarim himoyachisi jamoada emas.
Biz "Halol o'yin va etika qo'mitasi"ga xat yozdik va o'yinni ko'rib chiqib, o'z xulosasini berishni so'radik. Unga qarab kelgusi harakatlar amalga oshiriladi", - deydi "Arsenal" direktori Aleksandr Moskalenko.
Kelishilgan o'yinlarda Sergey Sitalo, Vyacheslav Turchanov, Aleksey Maydanevich, Sergey Semenyuk, Maksim Kostyuchenko va Aleksandr Aksenov ayblanmoqda.

— deya xabar beradi uff.uz nashri.