O'zbekiston mudofaasiga ko'maklashuvchi “Vatanparvar” tashkilotining Respublika texnik va amaliy sport turlari markazining bir guruh xodimlari tomonidan olib ketilayotgan mash'ala Sirdaryoga etib keldi. An'anaga aylanib ketgan kutib olish marosimidan so'ng, sportchilar bir dam hordiq olishgach, yana manzil tomon otlanishdi.
“Barkamol avlod – 2017” sport o'yinlari mash'alasi Jizzax viloyati sari yo'l oldi. Mash'ala olib o'tiladigan shahar va qishloqlarda tantanali marosimlar, sportchilarning chiqishlari o'tkaziladi. Taniqli shoir va yozuvchilar, san'atkorlar, keng jamoatchilik vakillari, o'quvchi-yoshlar ishtirokidagi madaniy-ma'rifiy va sport tadbirlari o'rta maxsus, kasb-hunar ta'limi muassasalari o'quvchi-yoshlarining sport, go'zallik, birdamlik bayramiga hamohang kuy-qo'shiq va raqslarga ulanadi.
— deya xabar beradi uff.uz nashri.