Tartib-intizom qo'mitasi yig'ilishi bo'lib o'tdi. Unga ko'ra bir qator murabbiy va futbolchilarga jazo choralari ko'rildi.
Oliy Liga
“Buxoro” bosh murabbiyi Ulug'bek Baqoev “Navbahor”ga qarshi 11-tur uchrashuvidagi agressiv hatti-harakati uchun bir o'yinga chetlatildi va jarimaga tortildi.
“Buxoro” klubiga qarshi 11-tur uchrashuvida agressiv hatti-harakati uchun maydondan chetlatilgan “Navbahor” bosh murabbiyi Ilhom Mo'minjonov bir o'yinga chetlatildi va jarimaga tortildi.
“Buxoro” klubiga qarshi 11-tur uchrashuvida raqibining yuziga qo'li bilan zarba bergani uchun maydondan chetlatilgan “Navbahor” yarim himoyachisi Oybek Qilichev 2ta o'yinga diskvalifikatsiya qilindi va jarimaga tortildi.
“Neftchi” yarim himoyachisi Muzaffar Muzaffarov “Qizilqum”ga qarshi 11-tur uchrashuvidagi agressiv hatti-harkati uchun 2ta uchrashuvga diskvalifikatsiya qilindi.
Yoshlar Birinchiligi
“So'g'diyona”ga qarshi 10-tur uchrashuvida uchrashuv bosh hakamini haqorat qilgani uchun maydondan chetlatilgan “Metallurg” klubi massajchisi Rodion Sarichev jarimaga tortildi va shu kabi holat yana takrorlanadigan bo'lsa jiddiyroq jazo chorasi qo'llanishi haqida ogohlantirildi.
Birinchi Liga
“Surxon”ga qarshi 11-tur uchrashuvida jiddiy qoida buzgani uchun maydondan chetlatilgan “Orol” himoyachisi Maqsud Kannazarov 2ta uchrashuvga chetlatildi.
Kubok
“Neftchi”ga qarshi 1/8 bosqichining ilk uchrashuvida agressiv hatti-harakati uchun maydondan chetlatilgan “Navbahor” himoyachisi Alisher Samatov 2ta uchrashuvga diskvalifikatsiya qilindi.

— deya xabar beradi uff.uz nashri.