Joze Mourinyu boshqaruvidagi “Manchester Yunayted” joriy mavsum Evropa Ligasi finalida g'olib bo'ldi. UEFAning tvitterdagi rasmiy sahifasida muhlislar yo'llagan ovozlarga ko'ra, Geynrix Mxitaryan finalning eng yaxshi futbolchisi deb e'tirof etildi. Armanistonlik futbolchi so'rovnomada 42% ovoz to'plagan. Undan keyingi o'rinlarni Pol Pogba (34%) va Ander Erreralar (11%) egallashdi. Aytib o'tish joizki, Mxitaryan “Yunayted”ning Evropa Ligasi musobaqasidagi to'purariga aylanib, finalda gol urgan birinchi armanistonlik futbolchi bo'ldi.
— deya xabar beradi uff.uz nashri.