«Arsenal» klubi Angliya Kubogi finalida «Chelsi»ni mag'lubiyatga uchratdi. «Uembli»da kechgan uchrashuv 2:1 hisobida yakunlandi. Shu tariqa «kanonirlar» o'z tarixlarida 13-bor kubokni qo'lga kiritib, bu boradagi rekordni yangiladilar. Londonliklar «Manchester Yunayted»ni (12 g'alaba) ortda qoldirdilar. «Arsenal» ustozi Arsen Venger Angliya Kubogida etti bor g'alaba qozongan ilk murabbiyga aylandi. Bungacha frantsiyalik mutahassis «Aston Villa» bilan 6 bor kubokni quchgan Jorj Remzini ortda qoldirgan edi.
— deya xabar beradi uff.uz nashri.