Angliyaning “Manchester Siti” klubi yozgi transferlar mavsumidagi ilk xaridini amalga oshirdi. “Shaharliklar” “Monako”ning portugaliyalik yarim himoyachisi Bernardu Silva bilan shartnoma imzolashdi. Bu haqda klub rasmiy tvitter sahifasi xabar bermoqda. Ma'lumotlarga ko'ra, transfer qiymati 43 million funtni tashkil etib, Bernardu Xosepa Gvardiola qo'l ostida 20 raqamda to'p suradi. Shartnoma esa 5 yillik muddatga imzolandi. Ma'lumki, Silva joriy mavsum “Monako” tarkibida Frantsiya chempionati bosh sovrinini qo'lga kiritdi. Shuningdek, Silvaga Angliyaning bir qator etakchi “Manchester Yunayted” va “Chelsi” jamoalari qiziqish bildirgandi.
— deya xabar beradi uff.uz nashri.