«Barselona» klubi prezidenti Jozep Bartomeu Ispaniya Kubogi finalidagi «Alaves»ga (3:1) qarshi o'yindan so'ng o'z fikrlarini bildirar ekan, jamoa Luis Enrike xizmatlaridan minnatdorligini aytib o'tdi. «Ispaniya Kubogidagi g'alaba – bu juda quvonarli, garchi biz bu mavsumdan ko'proq narsa kutgan bo'lsak ham. Biz Ispaniya chempionatining so'nggi turigacha kurashdik, endi esa Kubokdagi muvaffaqiyatdan rohatlanishimiz kerak, chunki bu natijaga erishish oson bo'lmadi. Biz keyingi mavsumga tayyorgarlik ko'rishimiz kerak. Luis Enrike – klub tarixidagi eng yaxshi murabbiylardan biri, bunga shak-shubha yo'q. Jamoa eshiklari uning uchun har doim ochiq», – deydi Bartomeu. Eslatib o'tamiz, Luis Enrike kataloniyaliklar boshqaruvidagi so'nggi o'yinini o'tkazdi.
— deya xabar beradi uff.uz nashri.