«Hayotda bir kasb tanlab, uni chin ko'ngildan sevsangiz, har kuni mehnat qilishingizga hojat qolmaydi». KONFUTsIY Eng nufuzli boks kechalariga Maykl Bafferning sharhini tinglash uchungina tashrif buyuradigan, teleekran orqali uning ovozini eshitishni xush ko'radigan muxlislar bisyor. Chunki Baffer o'z ishining haqiqiy ustasi. Millionlar o'yinida ham sharhlovchining o'rni beqiyos. Yurtimizda Futbol TV kanali ish boshlagani barchani birdek quvontirdi. Albatta, ishqibozlar sun'iy yo'ldosh orqali xorij teledasturlaridagi o'yinlarni ko'rishlari ham mumkin edi... Ammo sharh o'z ona tilingda yangrasa, yurakka yaqinroq kirib boradi. Bunda sharhlovchining ovozi, mahorati, zukkoligi, har bir vaziyatga xolisona fikr bildirishi, eng muhimi, neytrallikka urg'u qaratishi ulkan ahamiyatga ega. Millionlar o'yini ishqibozlari shunchalik ko'pki, har birining ko'nglini topish qiyin. Braziliyaga «202 million futbol mutaxassislari yashaydigan yurt» degan ta'rif beriladi. Umuman, bu fikrga qo'shilish mumkin. Bizda ham 10 milliondan ortiq shunday «mutaxassislar» bor, menimcha. Eng muhimi, ularning har biri o'z tushunchasiga ega. Shunday ekan, o'zimizdagi jurnalistlarning sharhi hammaga birdek yoqishi murakkab masala. Bunday fikr yuritishimizning o'ziga yarasha sababi bor, albatta. 2011 yil 29 oktyabr kuni Qarshining «Nasaf» klubi OFK kubogi finalida «Al-Quvayt» klubiga qarshi maydonga tushdi. Bu o'yinga qiziqish shunchalik yuqori ediki, uning shiddatidan bahramand bo'lish niyatidagi ishqibozlar Respublikamizning turli burchaklaridan Qashqadaryo viloyati markaziga tashrif buyurishdi. Jumladan, biz ham Jizzax viloyatidan etib borgandik. Uchrashuvning qanday yakun topgani hamon ko'pchilikning yodida. «Nasaf» - OFK kubogi sohibi! Lekin o'shanda boshqa bir jihat xotiramda uzoq muddatga muhrlanib qolgandi. Stadionga o'yin boshlanishidan 4-5 soat avval etib borganimiz uchun mahalliy ishqibozlar bilan biroz suhbatlashib, o'yin haqida fikr almashishni istadik. Hammasi ana shundan boshlangandi... Qarshilik, umuman, qashqadaryolik muxlislar sevimli jamoalarining o'yinini bevosita tribunadan turib kuzatishni ma'qul ko'risharkan. O'sha kuni chipta topolmay qolgan o'rta yoshlardagi ishqiboz biz bilan suhbatda «Afsus, endi bahsni televizor orqali ko'rishga majburman», degandi. Dastavval, arenadan turib ko'rolmayotganiga afsuslanyapti, deb o'ylagandik. Ammo keyinroq ma'lum bo'ldiki, taassuf sababi boshqa ekan. Suhbatdoshimiz gap orasida sharhlovchilar mavzusiga to'xtalib, ularning aksariyati poytaxt klublariga muxlislik qilishini ta'kidladi... Dastlab uning so'zlariga shunchaki, kulib qo'ya qoldim, ammo keyingi fikrlari diqqatimni tortdi. Gap shundaki, «Nasaf»ning Osiyo maydonlaridagi o'yinlarini sharhlash paytida qashqadaryolik ishqibozlarga yoqmaydigan holatlar deyarli har safar kuzatilar ekan. Misol uchun, «ajdarlar»ning arab jamoalariga qarshi o'yinda yo'l qo'ygan biror-bir xatosi poytaxt klublari ishtirokidagi bahs davomida eslab o'tilishi yoki aksincha, «Nasaf» mag'lubiyatga uchrayotgan payt poytaxt klublarining yutuqlari tilga olinishi haqida gapirdi. Qizig'i, bu kabi fikrlarni faqat bir muxlisdan eshitmadik. Keyingi 5-6 yil mobaynida yurtimiz sharafini himoya qiluvchi jamoalarning OChLdagi ishtirokini kuzatarkanman, sharhlovchilarimizning darhaqiqat, o'zlari istamagan holda, shunday xatoga yo'l qo'yishayotganiga amin bo'ldim. Demak,  DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.