Luis Enrike boshchiligida “Barselona” Ispaniya kubogini qo'lga kiritganidan keyin klub prezidenti Xosep Mariya Bartomeou intervyu berib, jamoaga yozda g'ayratli futbolchilar kelishini aytib o'tdi. Xo'sh, bu g'ayratli futbolchilar kim bo'lishi mumkin? Quyida shu haqda mulohaza yuritamiz. EKTOR BEL'ERIN Albatta, mazkur futbolchiga “Barselona” anchadan beri qiziqish bildirib kelmoqda. O'z navbatida “Arsenal” ham Belerinni tishining kovagida asrab kelmoqda. Boisi, bu futbolchi himoyada ishonchli o'yin ko'rsatish bilan bir qatorda hujumga ham tezkorlik bilan o'ta oladi. Buni “Chelsi”ga qarshi kechgan Angliya kubogi finalida ham ko'rdik — Belerin dam himoyada, dam hujumda o'ynadi, juda keskin, shiddatli harakat qildi. “Barselona” ana shunday himoyachiga muhtoj. Belerin Dani Alvesning o'rnini bosishi mumkin, ana shunda himoya mukammal holatga keladi. FELIPE KOUTIN'Yu Ayni damda jamoada avlodlar almashinuvining bir qismi sodir bo'lishi kutilmoqda. Ya'ni bir qator futbolchilar tark etib, o'rnini yoshlar egallashi kerak. Andres Inesta ana shunday jamoadagi safari qariyotgan futbolchilar sirasiga kiradi. Uning o'rnini esa “Liverpul”da o'z o'rniga ega bo'lib olgan Koutinyu bosa oladi. Bu futbolchi istalgan qanotda o'ynashi mumkin, demak, “Barselona” rahbariyati Klopp va “Liverpul”ning og'zini moylab, Koutinyuni qo'lga kiritishi va uni Inestaning o'rinbosariga aylantirishi ayni muddao bo'lardi. MARKO VERRATTI Verratti ham “Barselona”ning joniga ora kiradigan futbolchilar sirasiga kiradi. Boisi, jamoaning yarim himoya chizig'i kuchaytirilishi kerak, har holda hujum va himoya nisbatan biroz oqsash kuzatilmoqda. Garchi o'tgan mavsumda bu chiziqda ko'plab futbolchilar xarid qilingan bo'lsa-da, aksariyati ishonchni oqlay olmadi. Arda Turan allaqachon zaxiraga mixlangan, boshqa futbolchilar ham deyarli tuzuk-quruq o'ynayotgani yo'q. MESO'T O'ZIL Davomi
— deya xabar beradi uff.uz nashri.