“Chelsi” klubi yarim himoyachisi Villian “Bavariya” jamoasi rahbariyatining qiziqishlari doirasiga kirgan. TZ portalining ma'lumotiga ko'ra, o'yinchining transfer qiymati 50 million evroni tashkil qilishi mumkin. Agar kelishuv amalga oshsa, bu “Bavariya” tarixidagi eng qimmatbaho xaridga aylanadi. 2012 yili myunxenlik grand ispaniyalik Xavi Martines uchun 40 million to'lagandi va bu hozircha klub rekordi bo'lib turibdi. Aytish joiz, Villianning “Chelsi” bilan bitimi 2020 yilgacha mo'ljallangan. Manbada aytilishicha, braziliyalik futbolchi Myunxenda ko'proq o'yin amaliyotiga ega bo'lishiga ishonmoqda.
— deya xabar beradi uff.uz nashri.