Futzal bo'yicha 2017 yili klublar o'rtasida bo'lib o'tadigan Jahon chempionatiga qur'a tashlash marosimi bugun, 30 may kuni Vetnamning Xoshimin shahrida bo'lib o'tdi. Qur'a natijasiga ko'ra, O'zbekiston chempioni “Olmaliq” jamoasi Tailandning “Blyu Veyv Chonburi” va Livanning “Benk of Beyrut” klublari bilan “D” guruhidan joy oldi. Turnirda jami 14 ta klub to'rt guruhga bo'lingan holda ishtirok etadi. Musobaqa reglamentiga ko'ra, o'z guruhida birinchi o'rinni olgan jamoalar chorak finalga chiqadi.   “D” guruhi uchrashuvlari taqvimi bilan quyida tanishish mumkin. 21.07.2017 “Benk of Beyrut” – “Blyu Veyv Chonburi” 23.07.2017 “Olmaliq” – “Benk of Beyrut” 25.07.2017 “Blyu Veyv Chonburi” – “Olmaliq” Ma'lumot uchun, futzal bo'yicha klublar o'rtasidagi Jahon chempionati 2017 yilning 20–30 iyul kunlari Vetnamning Xoshimin shahrida bo'lib o'tadi. 
— deya xabar beradi uff.uz nashri.