Bugun O'zbekiston Kubogining 1/8 final bosqichidan o'rin olgan uchta uchrashuv bo'lib o'tadi. Unda Bekobodning “Metallurg” jamoasi o'z maydonida “Qo'qon-1912”ni qabul qiladi. “Sug'diyona” ham Jizzaxda “Buxoro” bilan bahs olib borsa, “Nasaf” Qarshida “Paxtakor”ni sinovdan o'tkazadi. 1/8 final bosqichining dastlabki uchrashuvlari bugun mehmon bo'ladigan jamoalarning maydonlarida bo'lib o'tgan. Katta ehtimol bilan O'zbekiston Kubogining keyingi bosqichiga “Paxtakor” yo'l olmasligi mumkin. Chunki paxtakorchilar o'z darvozalaridan Toshkentda Ro'ziqul Berdiev shogirdlaridan uchta gol o'tkazib yuborishgan. “Metallurg”dan ko'ra “Sug'diyona”ning keyingi bosqichga chiqish ehtimoli yuqoriroq. Sababi jizzaxliklar Buxoroda 1:1 hisobidagi durangga rozi bo'lishgan. “Qo'qon-1912” o'z maydonida “Metallurg”ni 2:0 hisobida mag'lub etgan bo'lishiga qaramay, bugun bekobodliklar keyingi bosqichga yo'l olish uchun bor imkoniyatlarini ishga solishadi. Biz ushbu sahifa orqali uchrashuvlari tafsilotlarini sizlarga tanishtirib boramiz. Jamoalarga omad yor bo'lsin 17.00 “Metallurg” – “Qo'qon-1912” 18.00 “Sug'diyona” – “Buxoro” 18.30 “Nasaf” – “Paxtakor”
— deya xabar beradi uff.uz nashri.