Angliyaning «Manchester Yunayted» klubi yangi homiysi «New Era» kompaniyasi klub futbolchilari ishtirokida fotosessiya uyushtirdi. Shu bilan birga, mazkur fotosessiyaga tashrif buyurgan jurnalistlar «qizil iblislar» sardori Ueyn Runidan intervyu ham olishdi. Quyida ana shu intervyuni e'tiboringizga havola etamiz. — Qaysi sportchidan o'rnak olishni istardingiz? — Men doim bokschi Mayk Taysonga havas qilardim. Otam bilan uning jangini tomosha qilish uchun allamahalgacha kutib o'tirardim. — Agar shaxsiy hayotingiz haqida film ishlansa, sizning obrazingizni qaysi aktyor gavdalantirishi mumkin? — Bu haqda o'ylab ko'rmagan ekanman. Ehtimol, Mett Deymon o'ynar. — Eng sevimli golingiz qaysi? — «Manchester Siti» darvozasiga urgan fantastik golim o'zimga juda yoqadi. — Agar sizga sportning faqat uchta turini tanla va o'shalarni tomosha qilasan, deyishsa, qaysi sport turlarini tanlagan bo'lardingiz? — Golf, futbol va boks. — Siz bilan birga yoki sizga qarshi to'p surgan futbolchilar orasida eng iqtidorlisi kim? — Albatta, Krishtianu. U ajoyib sportchi. — Futbolchilardan tashqari eng sevimli sportchingiz yana kim? — Maykl Jonson. — Ayni damda qaysi serialni tomosha qilyapsiz? — «Yuradigan murdalar». — Siz oxirgi marta qo'shig'ini sevib eshitgan xonanda? — Bugun Tinu Ternerni tingladim. — Uni doim eshitib yurasizmi? — Yo'q. Bu qo'shiqchini Eshli Yang doim eshitadi. Biz, aslida, turlicha musiqalar eshitamiz. — Qaysi voqeani hamon kulib yodga olasiz? — Bastian Shvaynshtayger bilan ilk bor uchrashganimizda uni Manchesterda ko'rib turganimga ishonmagandim. O'shanda u yonimga kelgan va shoshganimdan u bilan to'qnashib ketgandim. Natijada to'pig'im shikastlangan. Shu voqeani eslasam, haligacha yuzimga tabassum yuguradi. — Muxlislarning eng g'alati iltimosi nima bo'lgan? Davomi
— deya xabar beradi uff.uz nashri.