“Bunyodkor” futbol maktabida BO'FM bitiruvchilariga sertifikatlar topshirildi.
2000 yilda tavallud topgan tarbiyalanuvchilarimiz ortda qolgan vaqt mobaynida bir qancha yutuqlarni qo'lga kiritishdi. Otabek G'ulomxo'jaev ustozligidagi jamoamiz Rossiya, Xitoy, Koreya Respublikasi, Shimoliy Koreya, Qozog'iston, Latviya va boshqa mamlakatlarda o'tkazilgan xalqaro turnirlarda bir necha bor zafar quchishgan. Shuningdek, 2000 yilda tug'ilgan futbolchilarimiz oliy va birinchi liga klublarining tayyorlov guruhlari o'rtasidagi Respublika turnirida ham g'olib chiqqan. Toshkent shahar chempionatida ikki bor chempionlikni, qolgan yillarda esa ikkinchi o'rinni band etishdi. Ushbu yosh toifadagi 14 nafar tarbiyalanuvchilarimiz terma jamoaga nomzod futbolchilar hisoblanishadi.
“Bunyodkor” futbol maktabining 2017 yilgi bitiruvchilariga sertifikatlarni O'zbekiston Respublikasi jismoniy tarbiya va sport davlat qo'mitasi raisi Rustam Qurbonov va “Bunyodkor” FK bosh direktori Murodjon Aliev topshirdi va yosh futbolchilarning keyingi faoliyatlariga omadlar tilashdi.
— deya xabar beradi uff.uz nashri.