2013 yilning 8 mayi. «Barselona» yoshlar jamoasi 15 yil deganda chempionlikni tantana qildi. O'yin yakunlanishiga 18 daqiqa qolganida Karles Alenya «Gavi» darvozasini penaltidan ishg'ol qildi va ko'k-anorranglilarga uzoq kutilgan g'alabani keltirdi. Jingalak soch futbolchi golini tribunada o'tirgan muxlislar bilan nishonlashga kirishdi, ammo ishqibozlar undan ko'ra jamoadoshi Li Sin Vuni olqishlay boshlashdi. Li Sin Vu bu voqeadan bir necha oy oldin FIFA tomonidan futboldan ma'lum muddatga chetlatilgandi. Maydonga qaytgach esa Sin Vu g'oliblikni qo'lga kiritdi va jamoasining quvonchiga sherik bo'ldi. Chindan ham bu Li Sin Vuning g'alabasi edi. 2010 yilning yozida Janubiy Koreya U 12 terma jamoasi Janubiy Afrika Respublikasida o'tkazilgan «Danone Nations Cup» turnirida ishtirok etgach, ko'plab grand klublar Sin Vuga qiziqib qolishadi. Vuning terma jamoasi pley-off bosqichiga chiqa olmaydi, ammo chap qanot yarim himoyachisi sifatida o'ynagan Li 12 ta gol kiritib, musobaqa to'purariga aylanadi. O'ziga xos texnika, takrorlanmas driblinglar, aqlli qarorlar futbol selektsionerlarining e'tiboridan chetda qolmadi. Vumuman olganda, 2010 yil yosh futbolchilar uchun omadli keldi. Li Janubiy Koreya yoshlar ligasining eng yaxshi to'purariga aylandi va o'z mamlakatining eng muhim sovrini — Chxa Bom Gin mukofotini qo'lga kiritdi, Osiyoning XX asrdagi eng yaxshi futbolchisi deb topildi. Chindan ham 12 yoshli yigit afsonaviy Chxaga juda o'xshaydi. Bu mukofotni undan oldin Pak Ji Sun ham qo'lga kiritgan. Lining oxirgi yutug'i shu bo'ldiki, u «Barselona» yoshlar jamoasiga qabul qilindi. Janubiy Afrika Respublikasida bo'lib o'tgan turnirda Li Sin Vuni shaxsan kuzatgan «Barselona» mutasaddilaridan biri Alberto Puch musobaqadan keyin Suvon shahriga tashrif buyurdi va yosh futbolchining ota-onasi bilan uchrashdi. Vular o'g'li oddiy klubda emas, kuchliroq jamoada to'p surishini istashini aytishdi. Futbolchining o'zi esa «Barselona»ni tanladi. «Ko'k-anorranglilar»ning futbolkasi Lining iqtidorini yanada oshirib yubordi. Bu libosga munosib bo'lish uchun o'z ustida tinimsiz ishlagan koreyalik yigitcha tez orada buning samarasini ko'rdi. Vu o'z texnikasi va tezligi evaziga «Barsa» yoshlari (13 yoshgacha bo'lgan futbolchilar) tarkibida 29 bor maydonga tushib, raqiblar darvozalariga 39 ta to'p kiritdi va rekord o'rnatdi. Bungacha bu borada rekord Messiga tegishli edi. «Li oddiy futbolchi emas, — deydi «Barselona» murabbiysi, — u yangi Messi. Faqat shunday davom etishi kerak». Lini ayni damda «koreyalik Messi» deb chaqirishadi. Futbolchining o'zi esa bunga munosabat bildirarkan: «Meni ikkinchi Messi deb atashlari ajoyib, ammo men birinchi Li Sin Vu bo'lishni xohlayman», deya ta'kidlaydi. Ikki futbolchini o'zaro taqqoslaydigan bo'lsak, Messi «Barselona» safida debyut o'yinini o'tkazganida 17 yosh 3 oyu 22 kunlik edi. Li esa 18 yoshga to'ldi va hozircha «Kamp Nou»dagi o'yinlarini kuzatish imkoniga ega, xolos. Ammo bu Li tajriba oshirishdan to'xtadi, degani emas. Janubiy koreyalik iqtidor o'z vaqtini kutyapti, xolos. 2013 yilda FIFA «Barselona»ni voyaga etmagan futbolchilarni sotib olishda qonunni buzganlikda ayblab, transferlar borasida taqiq qo'ygandi. FIFA tuzgan noqonuniy xarid qilingan futbolchilar orasida Li Sin Vu ham bor edi. Davomi
— deya xabar beradi uff.uz nashri.