Rossiya davlatida 2018 yili bo'lib o'tadigan Jahon chempionati hamda 2019 yilda BAA davlatida bo'ladigan Osiyo chempionati uchun birlashgan saralash uchrashuvlarining guruh bosqich 8-turiga bugun start beriladi.
Barcha guruhlardan jamoalar o'zlarining navbatdagi raqiblariga qarshi maydonga chiqishadi.
Jumladan, O'zbekiston milliy terma jamoasi Qatarda Yaman termasiga qarshi o'yinni o'tkazadi. Yaxshi bilasiz, Yaman davlatida siyosiy notinchlik hukm surmoqda, shu boisda FIFA Yamanning uy uchrashuvlarini Doha shahrida o'tkazishga ruxsat bergan.
Shu munosabat bilan bugun Samvel Babayan shogirdlari Dohada yilning muhim o'yinini o'tkazishadi. Ha, endi KXDRga qarshi Tshkentdagi uchrashuvni unutish kerak. Go'yoki, u o'yin bo'lmadi va bizga boshqatdan uch ochko kerakdek, maydonga tushish kerak. Hozir, ochko yo'qotish yaramaydi. Zero, guruhimizdagi raqiblarimiz Pxenyanda o'zaro kurash olib borishadi. KXDR bu safar muxlislri qarshisida Bayraynni qabul qiladi va bemalol uch ochkoni qo'lga kiritishi mumkin.
Eslatib o'tamiz, Dohadagi o'yin Toshkent vaqti bilan soat 20.30da boshlanadi.
Futbolchilarimizga omad tilagan holda, bugungi o'yinlar anonsini eslatib o'tamiz: 8-tur 17.11.2015 D 10:30 Guam -:- Eron H 11:30 KXDR -:- Bahrayn A 12:00 Sharqiy Timor -:- Saudiya Arabistoni F 16:00 Xitoy Taypeyi -:- Iroq B 16:30 Bangladesh -:- Avstraliya C 17:00 Butan -:- Qatar C 17:00 Gonkong -:- Xitoy E 17:00 Singapur -:- Suriya G 17:00 Laos -:- Janubiy Koreya G 17:00 Myanma -:- Quvayt E 17:15 Kambodja -:- Yaponiya A 17:45 Malayziya -:- BAA D 18:00 Turkmaniston -:- Ummon B 19:00 Qirg'iziston -:- Iordaniya H 20:30 Yaman -:- O'zbekiston
— deya xabar beradi uff.uz nashri.