Bundan ancha yil yil oldin futbolning bo'lajak yulduzi sifatida e'tirof etilayotgan futbolchi Kataloniyaning “Barselona”si bilan shartnoma imzoladi. O'shanda bu bolakayning faqat shu klubda o'ynashini hech kim tasavvur ham qilmagan bo'lsa kerak. Ammo buni qarangki, bolakay 1996 yildan to hozirgacha “Barselona” sharafini himoya qilib kelmoqda. Shuni alohida ta'kidlash kerakki, hozirda mazkur futbolchi sadoqati va ajoyib o'yini uchun munosib tarzda mukofotlangan — ayni damda hech kim “Barselona” va dunyo futbolini Andres Inestasiz tasavvur qila olmaydi. Futbolchi uchun bundan ortiq mukofot bo'lmasa kerak. Bugungi sahifamiz ana shu futbolchi haqida. Andres Inesta haqiqiy “barsaparvar” futbolchi hisoblanadi. U Madridning “Real” klubini o'ziga ashaddiy raqib sifatida biladi. Eng qizig'i, yoshligida Inestani aynan “qirollik klubi” ham o'z tarkibiga qo'shib olishni istagan ekan. Ammo futbolchining o'zi ham, ota-onasi ham “Barselona” variantini tanlagach, Madrid eshiklari tamomila yopilgan. Futbolchining ota-onasi Fuentealbilyada ofitsiant bo'lib ishlagan. Inesta og'ir sharoitda katta bo'lgan. Buni quyidagi faktdan ham bilish mumkin: futbolchining ota-onasi o'g'illari “Barselona” bilan professional shartnoma imzolagach, uyga ega bo'lishgan, aniqrog'i, Inesta ota-onasiga uy sotib olib bergan. 3. 2001 yilda 17 yoshli Andres “Barselona”ning asosiy jamoasi bilan mashg'ulot olib bora boshlaydi. Bunda unga shu paytda klub boshqaruvini qo'liga olgan Serra Ferrer yordam beradi, aynan u Inestaga barcha sharoitlarni yaratadi. 4. Andres Inesta shu paytgacha uch marta “Oltin to'p”ga asosiy nomzod bo'lgan futbolchilar uchligi safidan joy olgan. Ammo biror marta ham mukofotni qo'lga kiritmagan. Bu holatni Xosep Gvardiola quyidagicha izohlaydi: «Andres zirak taqmaydi, soch turmagi chiroyli emas, janjalli voqealarga aralashib yurmaydi. Jurnalistlar uchun esa bunday futbolchi qiziqarli emas, ammo shaxsan men Inestani eng kuchli futbolchi deb tan olaman»! 5. Jurnalistlarning Andres Inestaga eng ko'p beradigan savoli “Oltin to'p” haqida bo'lgan. Yaqin-yaqingacha, toki uning nomzodi asosiy ro'yxat (uch nafar futbolchi qoladigan ro'yxat)dan tushib qolmagunga qadar “Siz nega mukofotga munosib ko'rilmadingiz?” qabilidagi savollar Andresni xunob qilgan. Axiyri futbolchi bunday savollarga quyidagicha javob qaytara boshlagan: “Oltin to'p”, kechirasiz, men bunaqa sovrinni bilmayman”. 6. “Barselona”ga bag'ishlagan 20 yili haqida gapirar ekan, Inesta bundan aslo afsuslanmasligini ta'kidlaydi. “To'g'ri, men boshqa futbolchilarga o'xshab bir qator kuchli klublar safida to'p surmadim. Ammo shuni aniq bilamanki, 20 yil davomida 20 ta klubda o'ynasam ham, bu klublarning bari bir bo'lgan taqdirda ham “Barselona”ning o'rnini bosa olmaydi”. “Nega boshqa jamoaga o'tmadingiz?” qabilidagi savollarga esa doim quyidagicha javob qaytaradi: “Chunki men “Barselona”dan kuchliroq klubga o'tmoqchi edim, ammo bunday jamoadan taklif tushmadi”. Ma'lumot o'rnida aytish joizki, o'z vaqtida Andresni o'z tarkibiga qo'shib olishni istagan klublar ro'yxatida “Real” Davomi
— deya xabar beradi uff.uz nashri.