“Manchester Yunayted” va “Vest Bromovich”klublarining sobiq futbolchisi Darren Fletcher bugun rasman “Stok Siti” safiga qo'shildi. Bu haqda klubning rasmiy sayti xabar tarqatmoqda. Futbolchining klub bilan yangi shartnomasi 2019 yilgacha amal qiladi va 1 iyul kuni kuchga kiradi, chunki Darren aynan shu kuni erkin agentga aylanadi. Aytib o'tish joizki, Fletcher “MYu” akademiyasi bitiruvchisi hisoblanadi va “qizil iblislar” safida 2015 yilgacha to'p surgan. Ma'lumot uchun, Darren joriy mavsum Angliya Premer-Ligasining barcha 38 uchrashuvida jamoasi safida maydonga tushdi. Futbolchi ikkita to'p kiritib uchta golli uzatmaga mualliflik qilgan.
— deya xabar beradi uff.uz nashri.