O'tgan mavsumning ikkinchi qismini “Milan”da ijarada o'tkazgan Xerard Deulofeu klub bilan xayrlashdi. 23 yoshli futbolchi “Everton”ga qaytdi. Uning liverpulliklar bilan shartnomasi 2018 yilda nihoyasiga etadi. “Mavsum tugadi. “Milan”ga minnatdorchilik bildiraman. U erda baxtli edim. Meni qo'llab-quvvatlagan barchaga minnatdorchilik bildiraman”,-deb yozgan Deulofeu o'zining “Instagram”dagi sahifasida. Ma'lumot uchun, Deulofeu Italiya chempionatida 17ta o'yinda maydonga tushib, 4ta gol va 3ta samarali uzatmaga mualliflik qilgan.
— deya xabar beradi uff.uz nashri.