"Real" klubi hujumkor yarim himoyachisi Garet Beyl Evropa Chempionlar ligasi finalining Kardiff shahrida o'tishi haqida o'zining fikrlari bilan o'rtoqlashdi. Shu bilan birga u hali jarohatidan to'la forig' bo'lmaganini ham qo'shib qo'ydi.
"Bu final men uchun o'ziga xosdir. Chunki men Kardiff shahrida tug'ildim va voyaga etdim. Aslida, barcha EChL finallari o'zgacha bo'ladi, ammo bunisi umuman boshqacha. Men hamisha hal qiluvchi o'yinlarda maydonga tushishni istayman, ammo o'z shahrimda muhim uchrashuvda o'ynayman, deb o'ylamagandim.
Men tayyorman, ammo 100% emas. Agar asosiy tarkibga kiritishsa borimni beraman. Lekin 90 daqiqa o'ynay olmasam kerak", - deydi SBS TV nashri Beyl so'zlarini keltirib.
Eslatib o'tamiz, EChL finali 3 iyun kuni Toshkent vaqti bilan 23.45da boshlanadi.
— deya xabar beradi uff.uz nashri.