Turining «Yuventus» klubi bosh murabbiyi Massimiliano Allegri EChL finali doirasida «Real»ga qarshi kechadigan o'yin oldidan o'z fikrlari bilan o'rtoqlashdi. «Chempionlar Ligasi finaliga etib kelish uchun butun yil davomida ter to'kdik. «Yuventus» bosh sovrinni uyga olib ketish uchun bor imkoniyatini ishga soladi. Bu juda qiyin bo'ladi, chunki «Real» ushbu sovrinning amaldagi sohibi hisoblanadi, ammo biz muvaffaqiyatga erishish uchun ularning ojiz tomonlaridan foydalanamiz. Madridliklar ketma-ket 70 o'yindan beri gol kiritmoqdalar, biroq 3 iyun kuni bu ishni amalga oshira olmasliklari mumkin. Ushbu statistika finalda muhim ahamiyat kasb etadi deya hisoblamayman, axir «Yuve» EChLda g'olib chiqish ishqida yonmoqda va klub sovrinni qo'lga kiritish uchun har qanday qurbonlikka tayyor. Biz natijaga erishish uchun raqibdan ham jismoniy, ham taktik jihatdan ustun bo'lishimiz kerak. Final – musoboqaning eng muhim hodisasi, bunday kun har safar bo'lavermaydi, bizning jamoa oxirgi uch yilda ikki bor shu ergacha etib keldi. Biz bu natija bilan faxrlanamiz, ammo men buni etarli deb hisoblamayman. Bizga g'alaba kerak. Kardiffga dam olish uchun kelmadik, biz sovrinni uyga olib ketish uchun shu erdamiz», – deydi Allegri.
— deya xabar beradi uff.uz nashri.