Andres Inesta. Bu futbolchi bugungi kun futbolining tirik afsonalari ro'yxatiga kirgan. Boisi «Barselona» safida to'p surgan uzoq yillari davomida shunchalik ajoyib ko'rsatkichlar qayd etganki, bunday natijalarni har qanday futbolchi orzu qiladi. Agar u hujum chizig'ida harakat qilib, ko'plab gollar urganida, ehtimol, «Oltin to'p»ni ham qo'lga kiritishi mumkin edi. Ammo u shaxsiy sovrinlardan ko'ra jamoaning manfaatini ustun qo'ydi. Andres o'zi gol urish o'rniga o'zidan-da qulayroq chiziqlarda turgan sheriklarini to'p bilan ta'minlashni afzal bildi va bu qarori uni mashhurlik cho'qqisiga olib chiqdi. Bugun hech kim Inestadan norozi bo'la olmaydi, bugun Andres bilan raqobatlashishga yurak betlaydigan futbolchi kamdan-kam topiladi. Xullas, navbatdagi sahifamizda Kataloniyaning mard o'g'loni, «Barselona» ramzi bo'lmish ispaniyalik charm to'p ustasi haqida ma'lumot beramiz. 1. Inesta Albasete shahridagi 1 900 kishi yashaydigan kichkina Fuentealbilya shaharchasida o'sib, voyaga etdi. Andres «La Masiya»ga yo'l oladigan kuni rosa yig'laganini tan oladi. 2. Klubdagilardan Inestaga ota-onasini eslatmaslikni so'rashgan, aks holda, u yig'lab yuborishi mumkinligi haqida barchani ogohlantirishgan. 3. Gvardiola yosh Inestaning kumiri edi. Bolakay «Barsa» maktabi — «La Masiyada»gi yotog'i devorlarini uning rasmlari bilan to'ldirib yuborgandi. 4. Oradan ozgina vaqt o'tgach, Inesta devoridagi Gvardiola suratlari o'rnini yangisi — «Men umrimda ko'rgan eng yaxshi futbolchi uchun» degan shaxsiy dastxatli rasm egalladi. 5. Inestani ilk bor asosiy tarkib bilan mashg'ulot o'tkazishga chaqirishganda, u kiyim almashtirish xonasiga kelmadi. Luis Enrikeni uni topib kelishga jo'natishdi. 16 yoshli bola ko'zlarini katta-katta qilib, burchakda hayron o'tirardi: Davomi
— deya xabar beradi uff.uz nashri.