Bugun «millionlar o'yini» katta daromad manbaiga aylanib qolgan. Ayni damda futbol agenti har qanday klub eshiklarini ochib beruvchi, futbolchining eng yaxshi do'sti hisoblanadi. Ko'p holatlarda o'yinchining kelajagi agentga bog'liq. Demak, galdagi sahifamizda ana shu mavzuga e'tibor qaratamiz, ya'ni dunyoning eng muvaffaqiyatli va qiziqarli agentlari hamda agentliklariga to'xtalamiz. «MONDIAL SPORT MANAGEMENT & CONSULTING SARL» Futbolchilar soni: 78 nafar Umumiy narxi: 880, 25 mln evro Hozirda jahonning eng mashhur futbol agentliklaridan biri «Mondial Sport Management & Consulting Sarl». Kompaniyani bugun o'z ishining ustalaridan biriga aylangan nemis agenti Konstantin Dumitrasku yaratgan. Kompaniya har qanday futbolchi bilan ishlayvermaydi va shu sababli ham taniqli. «MSM & CS» 78 nafar futbolchi bilan ishlaydi. Ularning 70 foizdan ko'prog'i Evropada mashhurlikka erishgan, qolganlari esa yosh. «MSM & CS» murabbiylar bilan ham faoliyat olib boradi. Hozirda agentlik Slaven Bilich, Dunga hamda Ziko bilan hamkorlikni yo'lga qo'ygan. Mashhur mijozlari: * Edinson Kavani * Felipe Koutino * Duglas Kosta * Nemanya Matich * Dimitri Pae * Ngolo Kante * Riyod Mahrez * Rafael Varan * Fernandino * Olive Jiru «GESTIFUTE» (JORJE MENDESH) Futbolchilar soni: 90 nafar Umumiy narxi: 630, 68 mln evro Portugaliya futbol agentligi bo'lmish «Gestifute» 1996 yildan beri mavjud. Kompaniya rahbari matbuot orqali transferlarga qiziqish uyg'ota oladigan va juda yirik shartnomalar tuzishga qodir Jorje Mendeshdir. Hozir Mendesh jahonning eng nomdor agentlaridan biri hisoblanadi. «Gestifute» jahonning eng yaxshi futbolchisi Krishtianu Ronaldu va zamonamizning boshqa mashhurlari bilan ishlaydi. Mendesh bilan hamkorlik qilayotganlar orasida murabbiylar ham bor: Joze Mourino, Paulu Fonseka («Shaxtyor»), Mark Vilmots, Nunu Espirito Santo («Portu»). Mashhur mijozlari: * Krishtianu Ronaldu * Xames Rodriges * Anxel Di Mariya * Diego Kosta * Vilyam Karvalyu * Andre Gomesh * Renatu Sanshesh * Tyago Silva * Falkao * Elyakim Mangalya * Esekel Garay «STELLAR FOOTBALL LTD» Futbolchilar soni: 99 nafar Umumiy narxi: 356 mln evro Mazkur agentlikning ildizi Germaniyaga borib taqaladi, ammo agentlik, asosan, britaniyalik futbolchilar bilan ishlaydi. Kompaniyani Devid Manassi va Jonatan Barnettlar boshqaradi. «Stellar Football Ltd» faqat futbolchilar bilan ishlaydi, murabbiylarga e'tibor qaratishni ma'qul ko'rmaydi. Ularning eng mashhur ishi Garet Beylning «Real»ga o'tishi bo'lgan. Eng mashhur mijozlari: * Garet Beyl * Jegoj Krixovyak * Lyuk Shou * Jo Xart * Gulf Sigurdsson * Deni Drinkuoter MINO RAYOLA Futbolchilar soni: 51 nafar Umumiy narxi: 290, 80 mln evro Mavsumlar oralig'idagi transfer oynasida ovoza bo'lgan gollandiyalik agent Mino Rayolani ro'yxatga qo'shmasak adolatsizlik bo'lardi. Yozda Rayola o'zining uch mijozini «Manchester Yunayted»ga o'tkazdi. Fe'li og'ir Rayola juda yaxshi ishlaydi va yozning o'zida 160 mln evrolik transferlarni amalga oshirdi. Eng mashhur mijozlari: * Pol Pogba * Romelu Lukaku * Genrix Mxitaryan * Bles Matyuidi * Zlatan Ibragimovich * Mario Balotelli «ROGON SPORTMANAGEMENT GMBH & CO. KG» Futbolchilar son: 86 nafar Umumiy narxi: 263, 90 mln evro Ushbu mashhur nemis kompaniyasi, asosan, yosh va iqtidorli Bundesliga futbolchilari bilan ishlaydi. Ammo ularning orasida yoshi kattalari ham mavjud. Masalan, ayni damda murabbiy vazifasida ishlayotgan 47 yoshli xorvatiyalik Andrea Panadich RSG mijozi hisoblanadi. Eng mashhur mijozlari: * Roberto Firmino * Yulian Draksler * Rikardo Rodriges * Luis Gustavo * Mario Fernandes * Rafinya «MJF Publicidade e promocoess» Futbolchilar soni: 35 nafar Umumiy narxi: 196, 68 mln evro «MJF» Braziliya futbol agentligi so'nggi yillarda eng yuqori daromad topayotganlardan. O'z mijozini reklama qilib, uni katta mablag'ga pullay oladiganlar Xuan Figer va Vagner Ribeyrodir. Bu agentlikning mijozlari, asosan, lotin amerikalik futbolchilar. Eng mashhur mijozlari: Davomi
— deya xabar beradi uff.uz nashri.