«Madrid»ning afsonaviy hujumchisi Raul Gonsales Kardiffda kechadigan EChL finali oldidan bir nechta savollarga javob qaytradi. Kim g'alaba qozonardi – Raulning «Real»imi yoki hozirgisi «Menimcha, bizning jamoa yutardi (kuladi), rostini aytsam durang bo'lardi. Men juda kuchli jamoada o'ynaganman, ammo bu «Real»da tarixdagi eng yaxshi tarkib jamlangan». «Yuventus»ning o'yin uslubi haqida «Ularda turli imkoniyatlar mavjud va ular qanday o'ynashmasin kuchli raqib bo'lib qoladilar. Bundan tashqari, ularda o'yinda asosiy rolni bajaradigan Dibala bor, agar bor e'tibor unga qaratilsa, unda Manjukich va Iguainlar ishga kirishadilar. «Yuventus»ga ehtiyotkorona yondashish kerak, ular haqiqatda xavflilar». Isko yoki Beyl «Buni tanlash Zidanga havola, biroq menimcha Isko asosiyda maydonga tushadi, chunki Beyl 90 daqiqa o'ynashga tayyor emas. U yarim soatcha xavf tug'dirishi mumkin, o'z uyida harakatlanishini hisobga olgan holda shuni aytish mumkinki: u zaxiradagi yaxshi qurol bo'lishi mumkin». 1998 yilgi final haqida ««Yuventus»ga qarshi kechgan o'sha o'yinda debyut o'yinimdanda kuchliroq hayajonlangandim: madridliklar EChLga shunday e'tibor qaratgan edilarki, u o'yinni qanday bo'lmasin yutishimiz kerak edi, ayniqsa bir maromda kechmagan mavsumdan so'ng. La Ligada juda yomon o'ynagandik, EChLda jamoa butkul boshqacha o'yin ko'rsatgan. Finalga juda noqulay tarzda etib kelgan edik, bizda hatto shampan vinosi ham yo'q edi – bizga uni «Yuventus» bergandi». Kim favorit? «Finalda favorit bo'ladi deb hisoblamayman, menimcha «Yuventus» yopiq o'yin namoyish etadi va «Real»ning xatosini kutadi. O'ylaymanki, bahsda ikkala jamoa o'rtasida o'zaro hurmatni ko'ramiz».
— deya xabar beradi uff.uz nashri.