Turinning “Yuventus” klubi sobiq yarim himoyachisi Andrea Pirlo EChL finali oldidan Corriere della Sera nashriga qisqacha intervyu berib o'tdi. - Finalga yo'l olish doimo qiyin. Ammo “Yuventus”da bu sovrinni qo'lga kiritish uchun ko'p marotaba imkoniyat bo'lgan. “Yuventus”ning tarkibi yaxshi shakllandi. Chempionlar ligasida g'alaba qozonish jamoaning eng muhim maqsadi. Albatta, 2015 yili “Barselona”dan uchralgan mag'lubiyatdan so'ng ko'nglim xira bo'lgan. U erda ajoyib 4 mavsumni o'tkazdim. Jamoadagi do'stlarim bilan EChL finalida g'olib bo'lishni istagandik. Menimcha, jamoani tark etganimdan so'ng “Yuventus” o'sishga erishdi. O'ylaymanki, jamoa tarkibi hozir avvalgidan kuchli o'yin namoyish etmoqda. To'g'ri, ikki yil oldingi o'yinda ham o'zimizga ishongandik, ammo finalda yutqazib qo'ygandik.
— deya xabar beradi uff.uz nashri.