Kuchli beshlik chempionatlariga oid qiziqarli ma'lumotlarni e'tiboringizga havola etishda davom etamiz.  Ushbu mavsumda Janubiy Amerikalik futbolchilar ancha sermahsul o'yin namoyish etishdi. 5 chempionatning 2 tasida to'purarlikni aynan ushbu qit'a vakillari qo'lga kiritishgani ham so'zimizga isbot bo'la oladi.  Qiziq tomoni eng ko'p gol urgan janubiy amerikaliklar sakkizligida braziliyalik futbolchilardan hech kim yo'q.  8. Serxio Aguero ("Manchester Siti",  Argentina) - 20 gol Argentinalik hujumchi mavsumni yaxshi boshlay olmagan bo'lsa ham,  keyinchalik ancha sermahsullik namoyish etdi.  Aguero 20 ta gol urgan holda,  jamoasining bronza medalini qo'lga kiritishida o'z ulushini qo'shdi.  7. Radamel Falkao ("Monako",  Kolumbiya) - 21 gol Nihoyat oldingi Falkao qaytdi.  "Atletiko"ni tark etganidan buyon Radamel sermahsulligini yo'qotib qo'ygan edi.  "Monako" uchun fantastik kechgan mavsumda esa kolumbiyalik 21 marta raqiblar posbonlarini ranjitib,  jamoasi bilan birga chempionlikni nishonladi. 6. Aleksis Sanches ("Arsenal",  Chili) - 24 gol Sanches mavsum yakuniga ko'ra "Arsenal"ning eng yaxshi futbolchisi deb topildi.  Chililik hujumchi mavsum davomida o'z hisobiga 24 ta gol yozdirib qo'ydi va klubdagi eng omadli mavsumini o'tkazdi. 5. Gonsalo Iguain ("Yuventus",  Argentina) - 24 gol Iguain "Yuventus"ga o'tib adashmaganini isbotladi.  Argentinalik hujumchi "A" seriyada jamoasining ketma-ket oltinchi chempionlikni qo'lga kiritishi uchun 24 ta goli bilan yordam berdi.  4. Mauro Ikardi ("Inter",  Argentina) - 24 gol "Inter"ning evrokuboklardan tashqarida qolib ketishiga sabab bo'lgan mavsumda faqatgina Ikardi tanqidlar "yomg'iri"dan qutulib qoldi.  Argentinalik hujumchi mavsum davomida 24 ta gol urgan holda,  4 yillik tanaffusdan so'ng yana milliy terma jamoadan taklif oldi.  Davomi>>
— deya xabar beradi uff.uz nashri.