Kardiffdagi fantastik kecha ham ortda qoldi. Barchangizni ushbu ajoyib g'alaba bilan tabriklab qolaman. Ha, «Real»ning mutloq g'alabasiga faqat eng ashaddiy muxlislar ishonishgandi. «Madrid» barcha taxmin, statistika, bashorat va irimlarni chetga surib tashladi va ketma-ket ikkinchi martta EChL g'olibligini qo'lga kiritdi. «Real» bu ishni uddaladi, Zidan buni epladi va biz ushbu natijaga loyiq edik. Qiziqarli faktlar, raqamlar va rekordlar Zinedin Zidan shogirdlari EChL tarixida ilk bor ketma-ket ikki martta chempionlikni qo'lga kiritdilar; Krishtiano Ronaldu o'z faoliyatidagi 600-golni nishonladi; «Real» - EChLda 500 ta gol urgan ilk jamoa; Kiko Kasilya hakamning elektron tablosni esdalikka olib qo'ydi; Krishtiano Ronaldu – EChLning ushbu mavsumdagi eng yaxshi to'purari; Kazemiro – Whoscored.com talqini bo'yicha uchrashuvning eng yaxshi o'yinchisi;  «Yuventus»ga qarshi kechgan o'yin Garet Beyl uchun «Real» libosidagi 150-si bo'ldi; Zidan va Buffon 11 yildan so'ng yana finalda uchrashdilar; «Real» ushbu mavsumdagi barcha o'yinlarda gol urishga erishdi; Ser Aleks Fergyuson uchrashuvning eng yaxshi o'yinchisi Krishtiano Ronalduga mukofotni topshirdi; «Real» o'z tarixida ilk bor bir mavsumda to'rtta sovrinni qo'lga kiritdi (EChL, La Liga, UEFA Superkubogi, Klublar o'rtasidagi JCh); «Real» 12-martta Evropaning eng nufuzli musoboqasi sovrinini qo'lga kiritdi Xulosa o'rnida Biz ushbu finalni uzoq kutdik. Ko'pchilik «Yuventus»ga muxlislik qilmadi, aksincha «Real»ga qarshi bo'ldi. Har doimgidek. Zidan zamonaviy futboldagi uddalab bo'lmas vazifani bajardi va tanqidchilarga munosib javob qaytardi. Bu qiyin o'yin bo'ldi, yanada aniqrog'i qiyin taym bo'ldi. Ilk 45 daqiqalik teng kurashlar ostida kechgan bo'lsa, ikkinchi bo'limda «Real» barchasini tez hal qilib qo'ya qoldi. Jamoa xarakter ko'rsatdi va oxirida buning uchun taqdirlandi. O'tgan yili ko'pchilik «Zidan hech narsa qilmadi, oldingi murabbiylarning mehnati bilan yutuqlarga erishdi» deya, mutahassisning iqtidorini shubha ostiga olishgandi. Asosiy detallar sifatida «Real»ning EChLdagi kuchsizroq bo'lgan raqiblari tilga olingan edi. Bu yil «Madrid» «Bavariya»ni, o'tgan yilgi finalchi «Atletiko»ni va ikki yil oldingahi finalchi «Yuventus»ni mag'lub etdi. E'tibor bering: «Bavariya» chorak finalning bitta o'yinida «Real»dan to'rtta gol qabul qilib oldi, yarim finalda «Atletiko» - uchta va finalda «Yuve» - to'rtta. Ha, kechagi finalda «Real» bir tanu, bir jon bo'lib harakat qildi va haqli ravishda Evropaning eng kuchli jamoasiga aylandi. Kecha ishg'ol qilib bo'lmas «Turin qal'asi» er bilan bitta qilindi. Madridchilar! Ushbu kundan zavq oling! Ushbu onlardan zavq oling! Bugun siz bunga haqlisiz. Bugun – bizning kun. O'z tanlovingizdan g'ururlaning! Zavqli onlardan parcha Muxlislar o'yinni nafaqat Kardiffda, balki o'zimizning stadion «Santyago Bernabeu»da ham kuzatib borishdi We Are The Champions... Finaldan esdalik Albatta bunday g'alabalarni oila bilan nishonlash o'zgacha zavqli Morata va Marseloning o'g'li Bu kecha «Oltin to'p» masalasiga ham oydinlik kiritgandek... Kechaning eng ma'yus sur'ati Qo'mondon! El Matador HALA MADRID!!! VAMOS REAL!!!
— deya xabar beradi uff.uz nashri.