Ukraina terma jamoasining bosh murabbiyi Andrey Shevchenko «Real»ning EChL finalidagi g'alabasi haqida o'z fikrlarini bildirib o'tdi. ««Real» ikkinchi bo'limda «Yuventus»ni shunchaki yanchib tashladi. Ha, ba'zi vaziyatlarda kichik detallar rol o'ynadi. «Real»ning ilk ikki goli rikoshet orqali urildi. Qaerdadir madridliklarga omad kulib boqdi. Ammo o'ylaymanki, ular haqli ravishda g'alabaga erishdilar. Mening nazarimda «Yuve» Zinedin Zidan jamoasi tomonidan taklif etilgan o'yin ritmini ko'tara olmadi. Bunday o'yinlarda jamoaning formasi va futbolchilarning sifati katta rol o'ynaydi. Gapimga qo'shiling, biz ochiq va qiziqarli futbol guvohi bo'ldik. Ammo, «keksa sinora» safida bir qator yoshi katta o'yinchilar bor. Ayniqsa bu ikkinchi bo'limda sezilib qoldi. Tanaffusgacha turinliklar o'yin tempini ushlab tura oldilar, ikkinchi bo'limda esa yoshdagi farq o'z so'zini aytdi. Zidanning kuchli tomoni shundaki, u jamoani biriktira oldi. Jamoada kuchli futbolchilar to'planganini biladi va ularning mahoratidan ustalik bilan foydalanmoqda. Eslab ko'ring, «Real» EChL va Ispaniya chempionatining bir nechta bahslarida hisobda ortda borayotib, o'yinning so'nggi daqiqalarida g'alabani ilib ketdi. Bunday ishni «Real»ning yuqori sifatli futbolchilari amalga oshirmoqda», – deydi Shevchenko.
— deya xabar beradi uff.uz nashri.