Osiyo futbol konfederatsiyasi (OFK) tashkilotga a'zo mamlakatlar federatsiyalarining yangi texnik reytingini e'lon qildi. Unga ko'ra, O'zbekiston 44,98 ochko bilan 9-pog'onani saqlab qoldi. OFK reytingida BAA (95,428 ochko) peshqadamlik qilayotgan bo'lsa, ikkinchi va uchinchi o'rinlarni mos ravishda Janubiy Koreya (89,182) va Qatar (82,977) egallagan. Ma'lumot uchun, OFK texnik reytingi terma jamoalarning FIFA reytingidagi ballarning 10 foizi, tegishli assotsiatsiyalar klublarining OChL va OFK Kubogi xalqaro musobaqalarida jamg'argan ballarining 90 foizidan tashkil topgan. Qayd etish kerakki, shu yilning noyabr oyida e'lon qilinadigan texnik reyting 2019 va 2020 yillardagi OChL va OFK Kubogi musobaqalari uchun OFKga a'zo mamlakat fereratsiyalari klublariga ajratiladigan kvotalar soniga ta'sir qiladi. 
— deya xabar beradi uff.uz nashri.