Evropa Chempionlar Ligasi finalida “Real”ga mag'lub bo'lgan “Yuventus” futbolchisi Sami Xedira jamoaning ortda qoldirgan mavsumi haqida fikr bildirdi. “Biz mag'lubiyatdan ochig'i hayratdamiz, muxlislarimiz uchun trebl qayd etishni juda ham istagandik. Lekin ortda qolgan mavsumni ham ajoyib o'tkazdik desam xato bo'lmaydi. “Yuventus” Evropaning eng kuchli klublaridan biri ekanligini isbotladi. Italiyada esa “Yuventus”ning qanday kuchga ega ekanligidan barchaning xabari bor”, — deydi Xedira Football Italia nashriga bergan intervyusida. Eslatib o'amiz, “Yuventus” joriy mavsum Italiya chempionati va kubogi sohibi bo'ldi.
— deya xabar beradi uff.uz nashri.