Yaqin yillar ichida Portugaliya futboli yana bir yangi yulduzni — Renatu Sansheshni kashf etgandi. Renatu o'zining tezkorligi va kuchli zarbalari bilan ko'plab grand jamoalarning e'tiboriga tushgandi. Ko'pchilik uning kelajagi porloq ekanligini ta'kidlardi. Renatuning oldida ham ko'plab variantlar bor edi, ko'p jihatdan uning keyingi taqdiri qaysi jamoani tanlashina uzviy bog'liq edi va shunday bo'ldi ham. Afsuski, Sansheshning qarori o'zi uchun zarariga ishladi.
“BAVARIYa”DA KO'KKA SOVURILGAN LAHZALAR
Renatu Sanshesh “Bavariya”ga ko'chib o'tganida orzulari bisyor edi. Dastlab asosiy tarkibda maydonga tushdi, ammo bu ko'pga bormadi, bora-bora u zaxirada qoldirilaverdi. Keyinchalik esa butunlay zaxiraga mixlandi. Xo'sh, buning sababi nimada?
Birinchidan, “Bavariya”da raqobat kuchli va yosh futbolchining bu raqobatda yutib chiqishi qiyin. Aren Robben, Arturo Vidal, Tomas Myuller kabi yulduzlar to'p suradigan klubda o'rnini topish Sansheshdan ancha ko'p mehnat va vaqt talab qilardi. Buni qarangki, bu vaqt ancha ko'payib ketdi va Sansheshning o'yin amaliyoti keskin kamaydi. Oqibatda so'nggi paytlarda Renatu ismli futbolchi borligini unutib ham qo'yayozgandek. Agar voqealar rivoji shu tarzda ketaversa, Sanshesh o'rtamiyona futbolchiga aylanib qoladi.
“MANChESTER YuNAYTED” — ENG MA'QUL VARIANT
“Bavariya”dan farqli o'laroq, “Manchester Yunayted”da Renatu asosiy tarkibdan joy olsa bo'lardi. Har holda, jamoa yosh iqtidorli futbolchilarga juda-juda muhtojlik sezayotgandi. Shuning uchun “qizil iblislar”ning o'sha paytdagi murabbiylar shtabi Renatu Sansheshga og'iz solib ham ko'rdi, biroq futbolchi bu taklifni rad etdi. Vaholanki, agar Manchesterga ko'chib o'tganida ko'proq o'yin amaliyotiga ega bo'lardi.
HALI HAM KECh EMAS
Ammo hali ham kech emas. Renatu endigina 19 yoshga to'ldi va o'zi uchun kerakli qarorni qabul qilib, kelajagini qurish imkoniga ega. Davomi
— deya xabar beradi uff.uz nashri.