FIFA kunlariga belgilangan xalqaro o'rtoqlik uchrashuvlari davom etadi. Bugun Toshkentdagi "Bunyodkor" stadionida O'zbekiston hamda Tayland milliy terma jamoalari o'rtasidagi o'rtoqlik uchrashuvi bo'lib o'tadi.
Soat 20.00da boshlanadigan mazkur bahs bizga ko'p narsa berishi kutilmoqda. Sababi, aynan u orqali Eronga qarshi kechadigan JCh-2018 saralash o'yiniga tayyorgarlik ko'riladi.
Bugun Samvel Babayan tarkibda ko'pchilik futbolchilarga imkon berishi mumkin. Aniqrog'i, avval Eronga qarshi tushadigan asosiy tarkib o'ynatib, ikkinchi bo'limda yoshlarni sinovdan o'tkazishi ehtimoldan yiroq emas.
Nima bo'lsa ham Tehronga etarlicha o'yin amaliyotiga ega bo'lgan holda borishni maqsadga muvoffiq deb hisoblaymiz.
Barchangizni "Bunyodkor" stadioniga chorlab qolamiz.
— deya xabar beradi uff.uz nashri.