Kelasi yili Rossiya davlatida bo'lib o'tadigan Jahon chempionatiga tayyorgarlik ishlari ayni avjiga chiqib ulugrdi. 12 iyun kuni Eronga qarshi safar o'yini oldidan O'zbekiston milliy terma jamoasi Toshkentda Tayland termasiga qarshi o'rtoqlik o'yinini o'tkazadi.
Bu o'yinda har qanday natija qayd etilishi mumkin va bu u qadar muhim bo'lmasligi mumkin. Ammo, kerakli uchrashuv oldidan baribir g'alaba qozonish kerak, deb hisoblaymiz. Chunki bu futbolchilarga ruhiy quvvat beradi va o'z kuchlariga ishonishga undaydi.
Albatta, hozirgi saviyamiz Taylandni yutishga etadi, lekin gap boshqa joyda bo'lishi mumkin. Bugun Babayan kimlarni asosiy tarkibga qo'yadi? Eronga qarshi yangi futbolchilarni ko'ramizmi yoki eski tajribali futbolchilarga tayanamizmi?
Bu savol nafaqat bizga, balki Eron terma jamoasi murabbiylar shtabiga ham qiziq. Buni matbuotdan o'qib bilyapmiz.
Bugungi O'zbekiston - Tayland uchrashuvini eronlik mutaxassislar bevosita stadiondan kuzatib borishlari haqida ma'lumotga egamiz. Ular oddiy ishqiboz yoki mehmon sifatida stadionga tashrif buyurishadi va O'zbekistonning barcha jihatlarini o'rganishadi. Ma'lumotlar Karlos Keyrushga etkaziladi. Bu tabiiydir. Jahon chempionatiga chiqishni istagan har qanday jamoa asosiy raqiblarining o'yinini kuzatib boradi, o'rganadi, tahlil qiladi.
Yana bir marta takrorlaymiz: Eron O'zbekistonga qarshi o'yindan ko'p narsa kutmoqda. Shuni esdan chiqarmaylik. Ozgina e'tiborsizlik mag'lubiyatga olib kelishi muqarrar. Hali nazariy bo'lsa ham imkonimiz bor, shuni asrab avaylaylik. P.S.
UFF.uz saytining Telegram tarmog'idagi rasmiy kanaliga ulaning va supersovringa ega bo'ling!
— deya xabar beradi uff.uz nashri.