«Yuventus» klubi bosh murabbiyi Massimiliano Allegri turinliklar bilan amaldagi shartnomasini uzaytirishga yaqin turibdi. Gazzetta dello Sport nashrining xabar qilishicha, «keksa sinora» ustozi klub bilan 2019 yilga qadar mo'ljallangan yangi kelishuv imzolaydi. Oldingi shartnoma 2018 yilgacha mo'ljallangan edi. Ushbu yangi kelishuv haqida rasmiy ma'lumot tez orada e'lon qilinadi. Eslatib o'tamiz, Allegri «Yuventus»ni 2014 yilda qabul qilib olgan. Uch yil ichida mutahassis turinliklar bilan A Seriyada 3 martta chempion bo'ldi va ikki bor EChL finalida qatnashdi.
— deya xabar beradi uff.uz nashri.