O'zbekiston milliy terma jamoasi va Moskvaning “Lokomotiv” klubi himoyachisi Vitaliy Denisov 2016/17 yilgi mavsum yakunida belidan jarohat olgandi.
Shu munosabat bilan tajribali himoyachi Germaniyada jarrohlik amaliyotini o'tkazdi va u muvaffaqiyatli o'tdi. “Temiryo'lchilar” shifokori Nikita Karlitskiyning aytishicha, Denisov tiklanish jarayonini boshladi.
“O'zimni yaxshi his qilyapman, ammo beldagi og'riqlar butunlay yo'qolganicha yo'q. Jarrohlik amaliyoti 3,5 soat davom etdi. Shifokor ikki haftadan keyin zal va basseynda mashg'ulotlarlarni boshlashim mumkinligini aytdi. Yanada kuchli bo'lib qaytaman”, – dedi Vitaliy Denisov.
30 yoshli futbolchi jarohati tufayli O'zbekiston termasining Tailandga qarshi o'rtoqlik hamda Eronga qarshi JCh–2018 saralash bosqichi o'yinlarini o'tkazib yuboradi.
— deya xabar beradi uff.uz nashri.