Aslida, Evropada 30 yoshdan oshgan futbolchilar yoshi katta futbolchilar hisoblanadi va aksariyat grand klublar bunday futbolchilarni tarkibdan chiqarib, o'rniga yosh va g'ayratli o'yinchilarni qo'yishadi. Bunga ko'p bora guvoh bo'lganmiz. Demak, mantiqan olib qaraganda Krishtianu Ronalduning ham “Real”dagi missiyasi tugagandek. Ayni damda 32 yoshni qarshi olgan portugaliyalik futbolchining jismoniy imkoniyatlari pasaygan. Texnik imkoniyatlari haqida-ku gapirmasa ham bo'ladi. Oxirgi paytlarda Ronaldu ijrosida deyarli dribling ko'rmayapmiz. Ha, hozirgi jismoniy holati unga raqiblarini birin-ketin ortda qoldirish imkonini bermayapti. Ronaldu bunga deyarli urinayotgani ham yo'q, uringanlari esa samarasiz ketmoqda. Bundan tashqari, Krishtianu ijrosidagi ajoyib jarima zarbalari ham ko'rinmay ketdi. Ochig'i, oxirgi marta Ronalduning qachon jarimadan gol urganini ham yaxshilab eslamasak, eslolmaymiz. Xullas, Krishtianu oldingi darajasidan ancha pasaygan. Madrid jamoasi ham ayni damda o'zi istagan Ronalduni har doim ham ko'rayotgani yo'q. Eng muhimi, ayni damda Evropaning bir qator klublari hamon Ronalduga qiziqish bildirishmoqda. Xususan, Xitoy klubi ham Ronalduni sotib olishga urinishdan cho'chishmayapti, chunki ularda pul bor, ayni damda xitoy jamoasi Ronaldu uchun 180 million evro taklif qilyapti. Tasavvur qilyapsizmi, 180 million evro. Ronaldu faoliyatining cho'qqisiga chiqqanida ham buncha turmagan. Endi esa Florentino Peresda Ronalduning deb mo'maygina pul ishlab olish imkoni bor. Yoki Ronalduning transferidan tushgan pulga ikkita-uchta yaxshi o'ynaydigan futbolchi xarid qilsa bo'ladi. Ko'rib turganingizdek, ko'plab omillar Ronalduning Madriddagi safari tugab borayotganini ko'rsatmoqda. Biroq ayni paytda Ronaldu shunday o'ynayaptiki, yoshi sezilgani ham yo'q. To'g'ri, u chiroyli harakalar qilmayapti, lekin kerakli vaziyatda raqib darvozasini ishg'ol etishni uddalayapti. Qolaversa, hanuzgacha “Real” murabbiylari o'yinni Ronalduning atrofida qurishyapti. Demak, Davomi
— deya xabar beradi uff.uz nashri.