Hademay Madridning “Real” klubi o'zining yana bir faxriy futbolchisi bilan xayrlashadi. Madridda o'n yil chavlon urib mehnat qilgan portugaliyalik futbolchi nihoyat Madridni tark etadigan bo'lib turibdi. To'g'ri, bu “qirollik klubi”ning ashaddiy ishqibozlari uchun noxushxabar bo'ldi. Chunki garchi 34 yosh bo'lsa-da, Pepe uncha-buncha himoyachilardan yaxshiroq edi, “Real”ning o'tib bo'lmas devorlaridan biri edi. Biroq har qanday yaxshi voqelikning ham intihosi bo'ladi, deganlaridek, Pepe missiyasi ham og'irlab bormoqda. Zidanni bu qaror uchun qoralab bo'lmaydi. U jamoaga endigina keldi va uzoq muddatlik rejalar tuzgani tayin. Demak, u tarkibni har jihatdan mukammal qilishi, xususan, yoshartirishi lozim. Demak, u yoshi o'tib borayotgan futbolchilardan voz kechishga majbur. Pepe esa ayni damda “Real”dagi eng yoshi katta futbolchi, Zidan uning o'rniga Varanni mo'ljallab, unga ko'proq o'yin amaliyoti bermoqda. Fransiyalik mutaxassis asosan kelajakni ko'zlayapti. Pepe esa ko'pi bilan yana 1 yoki 2 yil shunday tempda o'ynashi mumkin, Zidanning rejasi esa kamida 5-6 yilga mo'ljallangan, balki undan ham ko'proqdir. Shu bois ma'lum vaqtdan keyin murabbiy yana birorta yoshi kattaroq futbolchi bilan xayrlashishni istab qolsa ham ajablanmaymiz. Biz faqat bir narsani — Pepeni munosib kuzatishni istaymiz. “Chelsi” Jon Terrini qanday kuzatgan bo'lsa, “Bavariya” Lamni qanday kuzatgan bo'lsa, “Real” ham Pepega shunday hurmat ko'rsatishi kerak. Chunki Pepe  Davomi
— deya xabar beradi uff.uz nashri.